Ҳайрли тун, Меҳмон!

Бугун 16-феврал 03:00

ЖАМИЯТ | ОЛАМ | ШОУ-БИЗНЕС | СПОРТ | ТЕХНОЛОГИЯ | LIFE STYLE

» UzFIFA.NET - Футбол Янгиликлари
» Шахло Ахмедованинг Телеграми
» Бизнинг Телеграм каналимиз

Хитойлик қиз эркаклар овозини эшита олмайдиган бўлиб қолди

. Қўшилган вақти: 11.01.2019, 11:10
. Кўрилди: . 138



Шу йил январ ойининг биринчи кунларида Хитойнинг Фуцзянь вилояти Сямын шаҳрида яшовчи Чен фамилияли қиз қулоқлари ичида чийиллашга ўхшаш товушлар жаранглаётганини пайқади. Бундан ташқари, кўнгли айний бошлади. Қиз эртага ўтиб кетар деди-ю, кечқурун ухлашга ётди. Афсуски, эрталаб ҳам ижобий ўзгариш юз бермади. Аксинча, у севган йигити гапирганда овозини умуман эшитмас бўлди. Азбаройи қўрқиб кетган қиз зудлик билан клиникага жўнади. Қарангки, клиникада яна бир кутилмаган ҳодиса содир бўлди. У аёллар гапирса жуда яхши эшитарди. Аммо эркаклар товушини негадир эшита олмасди.

Отоларинголог Сяоцин (Xiaoqing) қизни текшириб кўриб, қулоқлари паст частотали товушларни эшитиш имконидан маҳрум бўлганини тахмин қилди. Яна шуни айтдики, бундай ҳаётда кам учрайдиган хасталик кам ухлаш, кўп асабийлашиш, доимий тарзда тонусда яшаш оқибатида юзага келаркан. Қулоқлар бу қадар жиддий зўриқишларни кўтара олмас экан.

Врач қизга керакли дориларни ёзиб берди. Умид қилдики, бир курс шу дориларни ичса, бу қизалоқ албатта эркаклар овозини яна бемалол эшитадиган бўлади.

Олимларнинг айтишига қараганда, бу хасталик кундалик ҳаётда жуда кам учрайди. Тахминан 13 минг бемордан биттаси шундай аҳволга тушиб, ё юқори, ё паст частотали товушларни эшитиш имконидан маҳрум бўлади. Энг даҳшатлиси, хасталикни аниқлашнинг ўзи жуда мушкул.

Манба: Hordiq.uz




Манба: Zamin.uz

Тавсия Қиламиз

Copyright © 2018-2019
«7info.UZ»— Ўзбекистон ва Дунё янгиликлари
Хусусий веб-сайт сифатида расман 2018 йил 1-май куни ўз фаолиятини бошлади.
Яндекс.Метрика