Ҳайрли тонг, Меҳмон!

Бугун 17-октябр 08:14

ЖАМИЯТ | ОЛАМ | ШОУ-БИЗНЕС | СПОРТ | ТЕХНОЛОГИЯ | LIFE STYLE

» Қизлар йигитингизни сехрлаб олинг...
» Озиш хали бундай бўлмаган

Гулнора ва Лола Каримова ўртасида 17 йилдирки оламушук ўтган

. Қўшилган вақти: 04.10.2018, 23:50
. Кўрилди: . 255

Гулнора ва Лола Каримова ўртасида 17 йилдирки оламушук ўтган

МЕНЮ

Гулнора ва Лола Каримова ўртасида 17 йилдирки оламушук ўтган
16:08, 04.10.2018 Жамият
10 160

Ўша вақтларда ҳам Лола Каримова опаси билан муносабатлари яхши эмаслигини тан олган.

Каримовлар оиласи бугун бутун дунё эътибор марказида бўлиб турибди. Ўзбекистон Республикасининг Биринчи Президенти Ислом Каримовнинг икки қизи бор. Оиланинг тўнғичи Гулнора Каримованинг фаолиятига нуқта қўйилиб, кўздан йироқлашганига ҳадемай 5 йил тўлади. Лола Каримова-Тилляева эса Ислом Каримовнинг вафотидан сўнг АҚШда истиқомат қиляпти. У ЮНЕСКОдаги элчилик лавозимидан кетди, Гимнастика федерацияси президентлигини ҳам бошқа бировга топширди.

Опа-сингилларнинг ўзаро муносабатига қизиқиш бугун ҳар қачонгидан ҳам ортган. Гулнора Каримованинг қизи Имон Каримова холаси билан муносабатлар умуман йўқлигини очиқ-ойдин ошкор этди.

Бу орада “Qalampir.uz”нинг қўлига Лола Каримова-Тилляеванинг 2013 йил халқаро ОАВга берган интервьюси келиб тушди. Ўша вақтларда ҳам Лола Каримова опаси билан муносабатлари яхши эмаслигини тан олган.

“Опангиз билан муносабатларингиз қандай? Ҳаётда ёки бизнесда рақобатлашасизларми?”, деган саволга Каримова-Тилляева қуйидагича жавоб берган:

“Мавжуд бўлмаган муносабатларни тасвирлаб бериш қийин. Мен ва опам бир-биримиз билан 12 йилдан ортиқки мулоқот қилмаймиз. Буни ҳеч қачон яширмаганмиз, ва бундан кўплар хабардор. Кўп йиллардан бери ҳеч қандай алоқамиз йўқ. Орамизда на оилавий, на дўстона алоқалар бор. Савол сўрашингиздан олдин айтмоқчиманки, оилавий маросимларда ҳам кўришмаймиз.

Биз мутлақо бошқа-бошқа одамлармиз. Ҳар қандай яхши муносабатлар бўлиши учун дунёқарашлардаги ўхшашлик ёки характерларнинг ўхшашлиги, ёки бир хил қизиқишлар ва одатлар мавжуд бўлиши зарур. Икки инсоннинг қарашларида қандайдир яқинлик бўлиши керак, лекин бизнинг ўртамиздаги муносабатларда бу ҳеч қачон бўлмаган. Биз мутлақо фарқли шахслармиз ва эслайманки, болалигимиздан буён шундай бўлганмиз. Ўзингиз тушунасиз, бундай фарқлар йиллар ўтиб фақат чуқурлашиб боради”.

Агар вазият 2013 йилдагидек сақланиб қолган бўлса, Гулнора ва Лола Каримовалар 17 йилдан буён алоқа қилмайди.

Mанба: Qalampir.uz

7info.uz: Хабар ва янгиликларни Telegram`да ҳам кузатиб боринг



ТЕГЛАР: гулнора, каримова, ўртасида, йилдирки, оламушук, ўтган,

Тавсия Қиламиз

Кўп Ўқилганлар

7info.uz
Copyright © 2018
«7info.UZ»— Ўзбекистон ва Дунё янгиликлари
Хусусий веб-сайт сифатида расман 2018 йил 12 апрель куни ўз фаолиятини бошлади.
Яндекс.Метрика
Биз ҳақимизда дўстларингизга хабар беринг