Ҳайрли тонг, Меҳмон!

Бугун 22-август 08:55

ЖАМИЯТ | ОЛАМ | ШОУ-БИЗНЕС | СПОРТ | ТЕХНОЛОГИЯ | LIFE STYLE

» Бизнинг Телеграм каналимиз
» Шахло Ахмедованинг Телеграми

Ўзбекистонда ҳаво ҳарорати қачондан пасайиши маълум қилинди

. Қўшилган вақти: 06.08.2019, 08:35
. Кўрилди: . 333


Ўзбекистонда ҳаво ҳарорати қачондан пасайиши маълум қилинди

ЎзА «Ўзгидромет» маркази бош синоптиги Ирина Зайцева билан боғланиб, ҳаво ҳарорати қачондан тушиши ҳақида сўради.
«Июль ойи бизда ҳам, Ўрта Осиё ёзи учун ҳам жуда иссиқ келди. Бу йил биз, Ўзбекистонда бутун метеорологик кузатувлар даврида барча ҳудудлар, хусусан, Тошкентда ҳам энг иссиқ июль ойини бошдан кечирдик.

Эсингизда бўлса, 11 июлдан бошлаб ўртача ойлик ҳаво ҳарорати меъёрдан 5-7 даражага, айрим жойларда эса ундан ҳам юқори бўлди. Бу вақтда ҳарорат 40—43 даражани, юртимизнинг шимоли, жанубда ва чўл ҳудудларида иссиқ авжига чиққанда 44—45 даражани ташкил қилди. Қорақалпоғистон Республикаси, Хоразм, Бухоро ва Навоий вилоятларининг чўлларида эса жазирама 46—48 даражагача етди.

Тўғри, орада ҳаво ҳарорати бироз пасайган даврлар ҳам бўлди. Бироқ, жуда қисқа муддатда ўтиб кетгани боис, деярли сезилмади. Шу боис бу йилги июлнинг ўзига хослиги юқори ҳароратдагина эмас, балки жазирама даврнинг узоқ давом этганидадир. Мисол учун, кўпгина вилоятларда максимал ҳарорат 40 даража ва ундан юқори бўлган давр 10—17 кунни, жанубий ва чўл ҳудудларида эса 20—25 кунни ташкил қилди. Бу ўртача кўп йиллик кўрсаткичлардан анча юқори.

Кеча, 5 августда тақвим бўйича чилла ўз ниҳоясига етди, бироқ ёз жазирамаси салқин кунларга ўз ўрнини бўшатишга шошилаётгани йўқ. Яъни Ўзбекистонда жуда иссиқ об-ҳаво сақланиб туради. Ҳарорат кундузи 40—43 даражагача, жанубий вилоятларнинг айрим жойларида эса 44—45 даража бўлиши кутилмоқда.

Қувонтирадиган хабар эса ҳафтанинг охирида кутилмоқда. 10—11 августга бориб, ҳарорат пасаяди ва 33—38 даражани ташкил қилиши кутилмоқда», — дейди Ирина Зайцева.






Манба: Zamin.uz

Тавсия Қиламиз

Copyright © 2019
«7info.UZ»— Ўзбекистон ва Дунё янгиликлари
Хусусий веб-сайт сифатида расман 2019 йил 1-январь куни ўз фаолиятини бошлади.
Яндекс.Метрика