Ҳайрли кун, Меҳмон!

Бугун 15-сентябр 15:05

ЖАМИЯТ | ОЛАМ | ШОУ-БИЗНЕС | СПОРТ | ТЕХНОЛОГИЯ | LIFE STYLE

» Бизнинг Телеграм каналимиз
» Шахло Ахмедованинг Телеграми

Президентнинг кенжа қизи мукофотга лойиқ топилди

. Қўшилган вақти: 15.12.2018, 13:07
. Кўрилди: . 489


Маросимда давлат раҳбари қизининг юзидан оталарча меҳрибонлик билан ўпиб қўйди ва диплом ҳамда мукофотни топширди.

Қозоғистон Республикаси Президенти Нурсултон Назарбоев бугун Оқўрда қароргоҳида мамлакат ривожига ҳисса қўшган таниқли қозоғистонликларга давлат мукофотлари ва совғаларни топшириш маросимида қизи – Алия Назарбоевага ҳам мукофот топширди. Давлат раҳбарининг қизи мукофотни “Онамга йўл” фильми учун қўлга киритди. Бу ҳақда Nur.kz хабар бермоқда.
 
Маросимда давлат раҳбари қизининг юзидан оталарча меҳрибонлик билан ўпиб қўйди ва диплом ҳамда мукофотни топширди.
 
Фильмга продюсерлик қилган Алия Назарбоева матбуот ходимларига интервью берди ва фильм жамоаси номидан бундай юксак мукофот учун Президентдан миннатдор эканини таъкидлади:
 
“Нурсултон Абишевич Назарбоевга катта раҳмат. Фильм орқали халқимизнинг бошидан ўтган ҳар қандай қийинчиликларга қарамасдан, аждодларимиз ота-онага нисбатан ҳурмат ва маънавий қадриятларни сақлаб қолганини кўрсатмоқчи эдик. Бу юксак мукофот эса бизнинг тўғри йўлда эканлигимизни кўрсатди”, деди Алия Назарбоева.
 
Бундан ташқари, Назарбоева ўз фамилияси мукофот олишга қанчалик таъсир кўрсатганлиги ҳақидаги кўпчиликни “ташвишлантирган” саволга ҳам жавоб берди:
 
“Ўйлайманки, фильмни томошабинлар баҳолашлари лозим. Аммо, шу пайтга қадар фильм ҳақидаги фикрлар доим ижобий бўлди”, дея таъкидлади у.
 
Шунингдек, у режиссёр Акан Сатаев билан ҳамкорликда “Тўмарис” номли тарихий фильм суратга олаётганини ҳам қўшимча қилди.
 
Эслатиб ўтамиз, Қозоғистон Республикаси Президенти Нурсултон Назарбоевнинг уч қизи бор – Дариға, Динара ва Алия Назарбоевалар.  






Манба: Zamin.uz

Тавсия Қиламиз

Copyright © 2019
«7info.UZ»— Ўзбекистон ва Дунё янгиликлари
Хусусий веб-сайт сифатида расман 2019 йил 1-январь куни ўз фаолиятини бошлади.
Яндекс.Метрика