Ҳайрли кеч, Меҳмон!

Бугун 19-октябр 22:38

ЖАМИЯТ | ОЛАМ | ШОУ-БИЗНЕС | СПОРТ | ТЕХНОЛОГИЯ | LIFE STYLE

» Бизнинг Телеграм каналимиз
» Шахло Ахмедованинг Телеграми

Тожик - Қирғиз чегарасида қирғизлар ўқотар қуролдан фойдаланиб 30 нафар тожик гаровга олишгани ростм

. Қўшилган вақти: 14.03.2019, 12:00
. Кўрилди: . 567


Тожик - Қирғиз чегарасида қирғизлар ўқотар қуролдан фойдаланиб 30 нафар тожик гаровга олишгани ростм


13 март куни Қирғизистон томони ўзаро келишувларга қарамай, Ворух жамоатида можарога сабаб бўлган «Кўктош-Оқсой-Тамдик» йўли қурилишини бошлади. Бу ҳақда Тожикистон Республикаси Миллий хавфсизлик давлат қўмитаси Чегара қўшинлари бош бошқармаси расмий баёнотида айтилади.

Баёнотида айтилишича, Қирғизистон томони аҳолига қарши ўқотар қуроллардан фойдаланган ва 30 нафар тожикистонликни гаровга олган.

«Ворух жамоати аҳолиси йўл қурилишига қарши норозилик билдирганида, қирғиз томони уларга қарата ўқ узди, - дейилади баёнотда. - Бундан ташқари, Қирғизистон куч тузилмалари «Исфара-Ворух» йўлини ёпиб қўйиб, Ворухда яшовчилар - йўналишли автобус йўловчиларини гаровга олди. Улар «Оқсой» чегара отрядида ушлаб турилган. Ворух жамоатида Қирғизистоннинг Боткен вилояти Оқсой жамоати раиси Эркин Жалчиев бошчилигидаги 50-60 киши Ворух жамоати аҳолисига қарата тош отишган. Натижада 11 киши оғир жароҳат олиб, шифохонага олиб кетилди».

Гаровдагиларнинг тақдири ҳақида баёнотда ҳеч нарса дейилмаган, бироқ «АП»нинг Ворух аҳолисига асосан хабар беришича, улар Қирғизистон фуқароси билан алмаштирилган.

«Дастлаб аёллар ва болалар озод этилди. Кейин чегарачиларимиз Қирғизистон фуқаросини гаровга олишди. Айнан у гаровдагиларга алмаштирилди», - дея хабар берган маҳаллий аҳоли вакили.

Шунингдек, Тожикистон МХДҚ ўз баёнотида 43 ёшли Ҳусайн Ҳакимов ҳалок бўлганини тасдиқлади. Хабарга кўра, у ов милтиғидан отилган ўқ туфайли вафот этган.

«Ҳусайн Ҳакимов юрагидан яраланди ва касалхонада вафот этди. Шунингдек, милиция катта инспектори 46 ёшли Саидшариф Аваззода, маҳаллий аҳоли вакиллари яраланди», - дейилади баёнотда.

Тожикистон Миллий хавфсизлик давлат қўмитаси Чегара қўшинлари бош бошқармаси хабарида айтилишча, ҳозир чегарадаги вазият барқарор ва икки давлат чегарачилари назорати остида.






Манба: Zamin.uz

Тавсия Қиламиз

Copyright © 2019
«7info.UZ»— Ўзбекистон ва Дунё янгиликлари
Хусусий веб-сайт сифатида расман 2019 йил 1-январь куни ўз фаолиятини бошлади.
Яндекс.Метрика